पंकजा मुंडेंनी ऊस उत्पादक आणि कामगारांना फसवलं गोपीनाथ मुंडेंनी स्थापन केलेला वैद्यनाथ सहकारी साखर कारखाना विकला वैद्यनाथ सहकारी साखर कारखान्याला कवडी मोल भावात विकल्याच्या आरोपाने खळबळ गोपीनाथ मुंडे यांनी स्थापन केलेल्या परळीतल्या वैद्यनाथ सहकारी साखर कारखान्याच्या विक्रीच्या बातमीन सध्या बीडमध्ये खळबळ माजली आहे या प्रकरणाची बीडमध्ये तुफान चर्चा होते आणि चर्चांच्या केंद्र केंद्रस्थानी आहेत कारखान्याच्या चेअरमन पंकजा मुंडे गोपीनाथ मुंडे यांनी ज्या कारखान्याच स्वप्न पाहिलं होतं जो कारखाना उभारून त्यांनी हे स्वप्न पूर्ण केलं होतं तोच कारखाना पंकजा मुंडेंनी शेतकऱ्यांना अंधारात ठेवून विकल्याचा आरोप होतोय. क्रांतिकारी शेतकरी संघटनेचे कुलदीप करपे यांनी याबद्दलचे हे खळबळजनक आरोप केलेत. मंत्री पंकजा मुंडे या चेअरमन असलेल्या या कारखान्याला फक्त 132 कोटी रुपयांच्या कवडीमोल भावात विकल्याचा आरोप केलाय.
विशेष म्हणजे कुलदीप करपे यांनी तसे काही कागदपत्रही समोर आणलेत. दिवंगंत लोकनेते केंद्रीय ग्राम विकास मंत्री गोपीनाथराव मुंडे साहेब यांनी स्थापन केलेला परळी पांगरी येथील वैद्यनाथ सहकारी साखर कारखाना आज असं वाटत की सहकारामध्ये शेवटच्या घटका मोजतोय. खरंतर पंकजाताई मुंडे ह्या चेअरमन असलेल्या या कारखान्याची विक्री झालेली आता उजेडात आलेला आहे.
दोन वर्षांपूर्वी कारखाना चालावा शेतकऱ्यांची सोय व्हावी म्हणून त्यांनी भाडे तत्वावर दिला त्यांच्या अध्यक्षतेखाली आणि आता 14 ऑगस्ट 2025 ला डायरेक्ट त्याची विक्री झालेली आहे. 132 कोटी अग्द्या कवडीमोल भावामध्ये हा कारखाना विकला गेला आहे. कुठल्याही ऊस उत्पादक शेतकऱ्यांना नोटीस न देता अथवा त्याची कायदेशीर प्रक्रिया न राबवता हा कारखाना विकला गेला आहे.
मुळामध्ये युनियन बँक ऑफ इंडियाने या कारखान्या कारखान्याला कर्ज दिलं होतं त्यासोबतच इतर बँकांचे सुद्धा अनेक कर्ज आहेत मात्र सरफेस शची व्यवस्थित अंमलबजावणी न करता जिल्हाधिकाऱ्यांनी कुठल्याही बँकेला इतर कर्ज असलेल्या बँकेला नोटीस न देता परळीच कार्यक्षेत्र सोडून अंबाजोगाई इथल्या सहदुयम निबंधक कार्यालयांमध्ये या संचालक मंडळाने आणि युनियन बँकेच्या संचालकमंडळाने हा खरेदी-विक्री करण्याचा या ठिकाणी मनसुबा पूर्ण केलाय.
साखर कारखाना कोणी खरेदी केला:
विशेष म्हणजे समोर आलेल्या या नाहरकत प्रमाणपत्रावर चेअरमन पंकजा मुंडे व्ईस चेअरमन चंद्रकांत कराड आणि 19 सदस्यांच्या सह्या दिसतायत. एकीकडे एनओसीवर वाल्मिक कराडची सही आहे मात्र पंकजा यांच्या बहीण यशस््री मुंडे यांची सही यावर नाहीये. त्यामुळे वडिलांचा कारखाना विकायला त्यांचा विरोध होता का अशी सुद्धा चर्चा सुरू आहे. या प्रकरणातल्या खरेदी खतावरून सगळ्या व्यवहाराच्या आकडेही समोर आलेत आणि कारखाना विकत घेणाऱ्याचं नावही खरेदी खतावर असलेल्या उल्लेखानुसार ओंकार साखर कारखान्याने हा वैद्यनाथ सहकारी साखर कारखाना खरेदी केला असून यामध्ये वेगवेगळ्या टप्प्यात पेमेंट केल्याच दिसतय. या सगळ्या प्रकरणातले आकडे सांगत शेतकरी संघटनेच्या कुलदीप करपे यांनी काही गंभीर आरोप केलेत ते नेमक काय म्हणालेत पाहूयात…
कुलदीप करपे यांनी केलेले आरोप:
एवढा स्टॅम्प डुटी शासनाला भरला मुळामध्ये रजिस्टारने कुठल्याही सातबारावर कर्जाची बोजा असल्यावर त्याची नाहरकत अथवा नील सर्टिफिकेट असल्यावर त्याची खरेदी विक्री करता येते असा कायदा असताना सुद्धा त्याच्या डोळेझाक करून डोंबेवली नागरी सहकारी बँक खामगाव अर्बन बँक बुलढाणा जिल्ह्यातील भाग्यलक्ष्मी नांदेड बँक, नगर अर्बन बँक, रायगड जिल्हा मध्यवर्ती सहकारी बँक आणि वैद्यनाथ अर्बन कोऑपरेटिव्ह बँक इथल्या सर्व बँकाच लाखो कोटी रुपये कर्ज असताना देखील रजिस्ट्री कार्यालयामध्ये याची रजिस्ट्री झाली.
दुसरीकडे वैद्यनाथ सहकारी साखर कारखान्याचे कायदेविषयक सल्लागार राहिलेल्या वकील परमेश्वर गीते यांनी सुद्धा या प्रकरणात आरोप करत तक्रार केली होती. त्यानंतर आता या प्रकरणात संबंधित शासकीय विभागांना अहवाल सादर करण्यासाठी नोटीसही बजावण्यात आलेली आहे त्यामुळे आता हा व्यवहार कसा झाला कोणी केला आणि फसवणूक कोणी केली हे आता चौकशीतून समोर येणार आहे.
धक्कादायक म्हणजे हा कारखाना परळीमध्ये आहे. त्यामुळे हा व्यवहार परळी कार्यक्षेत्रासाठी असलेल्या कार्यालयात होणं अपेक्षित होतं पण हा व्यवहार झाला आंबाजोगाई मध्ये त्यामुळे आंबाजोगाईचे दुयम निबंधक कार्यालय ही रडारवर आहे. याप्रकरणी 7 सप्टेंबरला दिलेल्या नोटीसमध्ये परळीचे तहसीलदार खद दुयम निबंधक अंबाजोगाई मंडळ अधिकारी नागापूर मंडळ अधिकारी पिंपळगाव आढे यांना 15 दिवसात उत्तर देण्याचे आदेश देण्यात आलेत एकूणच या सगळ्या प्रकरणाची चौकशी व्हावी साखर आयुक्त पुणे यांच्या अध्यक्षतेखाली चौकशी समिती नेमावी आणि तात्काळ खरेदीखत रद्द करावे अशी मागणी होते.
तसच या प्रकरणातल्या दोषींवर गुन्हे दाखल करून ऊस उत्पादक शेतकऱ्यांचा यावर्षीचा गाळप करण्याचा प्रश्न सोडवावा अन्यथा ऐन दिवाळीमध्ये ऊस उत्पादक आणि साखर कामगारांसह गोपीनाथ मुंडेंच्या समाधी स्थळावर आंदोलन करू असा इशारा कुलदीप करपे यांनी दिलाय. सध्या बीडमध्ये आणि राजकीय वर्तुळामध्ये या प्रकरणाची मोठी चर्चा सुरू आहे. राज्यात येत्या काही दिवसात या प्रकरणामुळे मोठं घमासानही होण्याची शक्यता आहे त्यामुळे आता मंत्री पंकजा मुंडे या यावर काय बोलणार हे पाहणं महत्त्वाचं असणार आहे.
