बीड जिल्ह्यात मागच्या तीन ते चार दिवसांपासून पावसाने धुमाकूळ घातलाय. सतत पडणाऱ्या पावसामुळे बीडच्या अनेक तालुक्यांमध्ये पूरस्थिती निर्माण झाली आहे पुरामुळे अनेक गावांचा संपर्क सुद्धा तुटलाय. बीडमध्ये झालेल्या जोरदार पावसाने बिंदुसरा पाणी प्रकल्प ही ओव्हरफ्लो झालाय. मागच्या अनेक दिवसांपासून सुरू असलेल्या अतिवृष्टीमुळे बीड जिल्ह्यातल्या सगळ्या शाळा कॉलेजेसना मंगळवारी प्रशासनाकडून सुट्टी जाहीर करण्यात आली आहे.
पावसामुळे जिल्ह्यात शेतीचही मोठ्या प्रमाणावरती नुकसान झालय. आष्टी तालुक्यात तर पुरामुळे पाण्यात अडकलेल्या नागरिकांची सुटका करण्यासाठी सैन्यदलाच्या हेलिकॉप्टरची मदत घेण्यात आली. मागच्या 100 वर्षातला बीड मधला हा विक्रमी पाऊस असल्याचही म्हटलं जातय. बीडमध्ये पावसामुळे आतापर्यंत दोन जणांना आपला जीव गमवावा लागलाय. सध्या प्रशासनाकडून रेस्क्यू ऑपरेशन आणि मदत कार्य सुरू आहे. उपमुख्यमंत्री अजित पवारही मंगळवारी संध्याकाळी बीडमध्ये जाऊन पूरस्थितीची पाहणी करणार आहेत. पण बीडमध्ये पावसाची सध्याची स्थिती नेमकी आहे काय? जिल्ह्यातल्या कोणत्या मंडळांमध्ये अतिवृष्टी झाली आहे? प्रशासनाकडून मदत कार्य कसं सुरू आहे? सगळी माहिती जाणून घेऊयात…
आष्टी तालुक्यातील पुराची भयानक स्थिती:
सोमवारी पहाटे बीडच्या आष्टी तालुक्यातल्या कडा गावात आणि आजूबाजूच्या परिसरामध्ये ढगफुटी सारखा पाऊस झाला. पहाटेच्या जोरदार पावसामुळे नदी नाल्यांना मोठ्या प्रमाणावरती पूर आला. पुराच पाणी आजूबाजूच्या अनेक घरांमध्ये शिरलं कडा गावच्या नदीपात्रा शेजारी साप्ते कुटुंबातले 11 जण पुराच्या पाण्यामध्ये अडकले होते त्यामुळे बिकट परिस्थिती निर्माण झाली होती. त्यानंतर पुराच्या पाण्यात अडकलेल्या गावकऱ्यांना बाहेर काढण्यासाठी सैन्यदल, एनडीआरएफ आणि एसडीआरएफ च्या पदकांना बोलवण्यात आलं पण पाण्याची पातळी मोठी होती त्यामुळे बचाव कार्यामध्ये अनेक अडथळे येत होते.
त्यामुळे नागरिकांना वाचवण्यासाठी आष्टी तालुक्यात सैन्यदलाच्या हेलिकॉप्टरची मदत घेण्यात आली. बचाव कार्यासाठी भारतीय सैन्याच्या थार रॅप्टर्स ब्रिगेडला पाचारण करण्यात आलं होतं. सोमवारी दुपारच्यावेळेस आर्मी एव्हिशनच एक हेलिकॉप्टर मदत कार्यासाठी आष्टीमध्ये दाखल झालं पावसाचा जोर कायम होता हवामान प्रतिकूल होतं तरीही पायलटने हेलिकॉप्टर पुरात अडकलेल्या नागरिकांपर्यंत नेलं सैन्यदलाच्या तिघा जवानांनी मिळून पुरात अडकलेल्या नागरिकांची सुटका केली.
जवानांना हेलिकॉप्टरच्या सहाय्याने नागरिकांना वाचवण्यात यश:
सोमवारी आष्टीमध्ये बचाव कार्यात एनडीआरएफचे अधिकारी 27 जवान आणि इतर स्थानिक यंत्रणा असे सगळे जण सहभागी झाले होते. सोमवारी हेलिकॉप्टरच्या सहाय्याने पुराच्या पाण्यात अडकलेल्या 51 नागरिकांना वाचवण्यात यश आलं. तर पुराच्या पाण्यामध्ये अफरोज बागवान हा तरुण वाहून गेला. ज्यामध्ये त्याचा मृत्यू झाला. तर दुसऱ्या एका घटनेमध्ये श्रावण शिंदे या वृद्धाचाही मृत्यू झाल्याची माहिती माध्यमांकडून देण्यात आली आहे बीडच्या आष्टी तालुक्यात घाट पिंपरी, कडा, पिंपरखेड, निमगाव, चोभा या भागांमध्ये मागच्या 24 तासांमध्ये 96 मिलमीटर पावसाची नोंद झाली आहे.
आष्टी तालुक्याच्या पश्चिमेकडे गर्भगिरी डोंगर रांगांवरही सोमवारी पहाटेपासून मुसळदार पाऊस सुरू होता. सततच्या जोरदार पावसामुळे कडी नदीने धोक्याची पातळी ओलंडली आणि नदीच पाणी गावांमध्ये शिरलं पावसामुळे आष्टीतले गावांना जोडणारे पुलही पाण्याखाली गेले होते त्यामुळे अनेक गावांचा संपर्कही तुटला होता. बीडमध्ये झालेल्या जोरदार पावसामुळे बिंदूसरा पाणी प्रकल्प ही ओवरफ्लो झालाय. यंदाच्या पावसाळ्यामध्ये सलग चार वेळा हा पाणी प्रकल्प पूर्ण क्षमतेने भरलाय. मागच्या दोन दिवसांमध्ये बीड जिल्ह्यात जो जोरदार पाऊस झाला त्याचा सर्वात जास्त फटका आष्टी आणि गेवराई या दोन तालुक्यांना बसलाय. गेवराई तालुक्यामध्ये गोदावरी नदी काठच्या गावांमध्ये पुराच पाणी शिरलय. मग त्या दोन ते तीन दिवसांपासून शनी मंदिर आणि पांताळेश्वर मंदिर पाण्याखाली गेली आहेत.
माजलगाव येथे भीषण परिस्थिती:
आता बीडमध्ये फक्त आष्टी आणि गेवराई मध्येच मोठ्या प्रमाणावरती पाऊस पडतोय असं नाही. माजलगाव धरणाच्या पाणलोट क्षेत्रातही मागच्या दोन दिवसांपासून मुसळधार पाऊस सुरू आहे त्यामुळे माजलगाव धरणातून बिंदुसरा नदी पात्रामध्ये पाण्याचा विसर्ग केला जातोय. या पाण्याच्या विसर्गामुळेच सांडस चिंचोली गावाला दोन दिवसापासून पाण्याने वेडा घातलाय. तर केस तालुक्यातल्या धनेगाव इथला मांजरा प्रकल्प भरल्याने सोमवारी दुपारी एक वाजेच्या आसपास त्या प्रकल्पाचे सहा दरवाजे उघडण्यात आले. मांजरा प्रकल्पातून तब्बल 14508 कसेक पाणी मांजरा नदी पात्रामध्ये सोडण्यात आलय. त्यामुळे तहसीलदारांनी नदी काठच्या नागरिकांना सतर्कतेच आवाहन केलंय.
सोमवारी पहाटे झालेल्या पावसाचा फटका आंबेजोगाईलाही बसला. जोरदार पावसामुळे राक्षसवाडी आणि केकनवाडी इथले पाझर तलाव फुटले. यामुळे आजूबाजूच्या गावातल्या शेतांमध्ये पाणी शिरलं या पुरामुळे एक ट्रॅक्टर एक टू व्हीलर गाड्या वाहून गेल्या. राक्षसवाडी, केकानवाडी, चिचखंडी, पठाण, मांडवा, येल्लडा या गावांना या पुराचा मोठा फटका बसला असून या गावातील रस्ते पुराच्या पाण्यामुळे खचले होते. तर परिसरातल्या अनेक गावांचा वीज पुरवठा सुद्धा खंडित झाला होता.
शेतातील जनावरांचे मोठे नुकसान:
सोमवारी सकाळी अंबेजोगाईचे तहसीलदार विलास तरंगे यांनी पूरग्रस्त गावांना भेट देऊन सगळ्या परिस्थितीची पाहणी केली तर धारूरड तालुक्यात झालेल्या जोरदार पावसामुळे अनेक शेतकऱ्यांच्या शेळ्या वाहून गेल्या. धारूरड तालुक्यात पावसामुळे आसरडोह, मोहखेड, चोरंबा, चारदरी, धारूर, रुई या मार्गावरील पूल पाण्याखाली गेले आहेत. काही जुन्या पुलांवरचा पाण्याचा जोर इतका जास्त होता की ते कोसळले आहेत. त्यामुळे अनेक गावांचा संपर्क तुटलाय. निमला गावात रेशीम केरबा नरोटे यांचा शेळ्यांचा गोटा पावसाच्या पाण्यामध्ये वाहून गेला. त्यात त्यांच्या 10 शेळ्या मृत्युमुखी पडल्याची माहिती माध्यमांकडून देण्यात आली आहे. पावसामुळे बीड जिल्ह्यातल्या पाटोदा तालुक्यातला उखंडा तलाव सुद्धा ओव्हफ्लो झालाय. मागच्या काही दिवसांपासून फक्त बीडमध्येच नाही तर मराठवाड्यात सुद्धा जोरदार पाऊस सुरू आहे.
बीडमध्ये 36 गावांचा संपर्क तुटला:
जायकवाडी धरणातून एक लाख क्विसेस पेक्षा जास्त पाण्याचा विसर्ग करण्यात आला होता. एवढ्या मोठ्या प्रमाणावरती विसर्ग सुरू झाल्यानंतर गोदावरी नदी आणि तिच्या उपनद्यांना पूर आला. राजापूर, काठोडा, सावळेश्वर महाराज पिंपळगाव या गावांमध्ये पुराच पाणी शिरल्याने शेतीच्या पिकांच, घरांच आणि गोठ्यांच मोठ्या प्रमाणावरती नुकसान झालं यानंतर गेवराईचे आमदार विजयसिंह पंडित यांनी पूरग्रस्त भागाला भेट देऊन महसूल विभागाला लवकरात लवकर पंचनामा करण्याचेआदेश दिले आहेत जोरदार पावसामुळे बीडमध्ये अजूनही 36 गावांचा संपर्क तुटला आहे यामध्ये माजलगाव मधील आठ, वडवणी मधले चार, शिरूर मधले सहा, बीड मधले पाच, आष्टीतले आठ, केज मधले एक, परळीतले चार अशा एकूण 36 गावांचा संपर्क तुटलाय. अतिवृष्टीमुळे शेकडो हेक्टर शेती पाण्याखाली गेली आहे. पावसामुळे सोयाबीन, कापूस, तूर, भाजीपाला, फळबागा यांच प्रचंड मोठ्या प्रमाणावरती नुकसान झालय. अनेक गावांमध्ये नागरिकांची घरं, गोठे, जनावरे वाहून गेली आहेत. त्यामुळे शेतकरी मोठ्या अडचणीत सापडलाय.
शेतकऱ्यांच नुकसान झाल्याचे पंचनामे सुरु:
पावसामुळे ज्या शेतकऱ्यांच नुकसान झालय त्यांचे पंचनामे करून लवकरात लवकर मदत आणि नुकसान भरपाई मिळावी अशी मागणी शेतकऱ्यांकडून केली जातीय. प्रशासनाकडून या सगळ्या आपत्तीवरती लक्ष ठेवलं जातय असं जिल्हाधिकारी विवेक जॉन्सन यांच्याकडून सांगण्यात आलय. मागच्या 24 तासांमध्ये बीडच्या 15 मंडळांमध्ये अतिवृष्टीची म्हणजे 60 मिलमीटर पेक्षा जास्त पावसाची नोंद करण्यात आली आहे यामध्ये बीड तालुक्यातील नेकनूर, येळमघाट, आष्टीतील दौलावडगाव, धानोरा, कडा पिंपळा, टाकळशिंग, दादेगाव, आंबेजोगाई तालुक्यातील लोखंडी, सावरगाव, पाटोदा, केज तालुक्यातील केज, युसूफ वडगाव होळ आणि शिरूर कासार तालुक्यातील शिरूर महसूल मंडळांचा समावेश आहे आतापर्यंत झालेल्या पावसामुळे बीड जिल् जिल्ह्यातल्या 261 गावांमध्ये 1,23,109 शेतकऱ्यांच्या पिकांचं मोठ्या प्रमाणावरती नुकसान झालय. यापैकी अनेक ठिकाणचे नुकसानीचे पंचनामे पूर्ण करण्यात आले आहेत. तर इतर ठिकाणचे राहिलेले पंचनामे लवकरात लवकर पूर्ण करण्यात येतील असं प्रशासनाकडून सांगण्यात आलय.
मोठ्या प्रमाणावरती सुरू असलेला पाऊस लक्षात घेऊन बीडच्या जिल्हाधिकाऱ्यांनी मंगळवारी जिल्ह्यातल्या सगळ्या शाळा आणि कॉलेजेसना सुट्टी जाहीर केली आहे. बीडमध्ये झालेला पाऊस मागच्या 100 वर्षातला विक्रमी पाऊस असल्याचंही म्हटलं जातय. हवामान विभागाकडून पुढचे दोन दिवस जिल्ह्यामध्ये पावसाचा इशारा देण्यात आला आहे त्यामुळे प्रशासनाकडून नागरिकांनासतर्क राहण्याच आवाहन करण्यात आलय.
