ई पीक पाहणी.. कधी करायची, का करायची?

राज्यातील ई पीक पाहणी शेतकऱ्यांसाठी दिलासादायक निर्णय. तुम्हाला माहितच आहे ई पीक पाहणी आपल्यासाठी किती महत्त्वाची आहे. पीक विमा नुकसान भरपाई आणि सरकारी योजनांचा लाभ घेण्यासाठी ई पीक पाहणी अनिवार्य आहे. केंद्र सरकारला राज्याच्या पेरणी खालील क्षेत्राची आणि पीक कापणीची माहिती देणे बंधनकारक आहे आणि यासाठी ग्रीस्टॅक योजने अंतर्गत 100% ई पीक पाहणी करणे देखील आवश्यक आहे.

खरीप हंगाम 2025 साठी 1 ऑगस्ट पासून सुरू झालेली ई पीक पाहणी करण्याची मुदत 30 सप्टेंबर पर्यंत वाढवण्यात आली होती. पण ई पीक पाहणी ॲपचे सर्वर डाऊन असणे राज्यात झालेली अतिवृष्टी आणि पूरस्थिती यासारख्या अनेक कारणांमुळे बहुतांश शेतकऱ्यांची ई पीक पाहणी झालीच नाही किंवा ती होऊ शकली नाही.

तुम्ही सर्वांनी ई पीक पाहणी केली असेल किंवा करण्याचा प्रयत्न केला असेल पण तांत्रिक अडचणीमुळे अनेक शेतकऱ्यांची ई पीक पाहणी अजूनही बाकी आहे. याच समस्येवर तोडगा काढण्यासाठी राज्य सरकारने एक मोठा निर्णय घेतलेला आहे. तर शेतकरयानो काळजी करू नका. जर तुमची ई पीक पाहणी 30 सप्टेंबर पर्यंत देखील झाली नसेल तरी या समस्येवर उपाय म्हणून राज्य सरकारने एक महत्त्वाचा निर्णय घेतला आहे. ज्या शेतकऱ्यांची ई पीक पाहणी राहिली आहे ती आता सहाय्यकांमार्फत पूर्ण केली जाणार आहे. 01 ऑक्टोबर ते 31 ऑक्टोबर 2025 या कालावधीत सहाय्यकांमार्फत पूर्ण केली जाणार आहे.

यासाठी सहायकांना प्रत्येकी प्लॉट मागे काही मानदान दिले जाणार आहे. या निर्णयामुळे शेतकऱ्यांना कुठेही जाण्याची गरज नाही. कृषी सहाय्यक स्वतः तुमच्या शेतात ती पीक पाहणी पूर्ण करेल या कामाची 100% तपासणी ग्राम महसूल अधिकारी म्हणजेच तलाठी करतील आणि त्यानंतरच तुमच्या सातबारा उतारावरती ही माहिती नोंदवल्या जाईल हा निर्णय शेतकऱ्यांसाठी खूप फायदेशीर आहे.

तुमची ई पीक पाहणी बाकी असेल तर …

आता कोणालाही तांत्रिक अडचणीमुळे किंवा इतर कोणत्याही कारणामुळे सरकारी योजनांच्या लाभापासून वंचित राहावे लागणार नाही. जर तुमची ई पीक पाहणी अजूनही बाकी असेल तर तुमच्या गावातील कृषी सहायकाशी संपर्क साधा. या कामासाठी कोणत्याही प्रकारची फी आकारली जात नाही. जर कोणी तुमच्याकडून पैशाची मागणी केली तर लगेच तहसील कार्यालयात त्याची तक्रार नोंदवा.

100% ई पीक पाहणी होणार असल्यामुळे शेतकऱ्यांना मोठा दिलासा मिळणार आहे. त्यामुळे तुमच्या गावातील कृषी सहायकाशी संपर्क साधून आपली राहिलेली ई पीक पाहणी लवकरात लवकर पूर्ण करून घ्या. जर तुम्ही ही पीक पाहणी त्यांच्याकडून सुद्धा पूर्ण केली नाही तर तुम्हाला जो लाभ मिळणार आहे किंवा भविष्यात जो लाभ मिळणार आहे नुकसान भरपाईचा पीक विम्याचा किंवा इतरही पूर परिस्थितीचा तर तो पुढे भविष्यामध्ये मिळणार नाही.

तर तुमची ई पीक पाहणी अत्यंत आवश्यक आहे. जर तुम्ही शेतकरी स्तरावरती ई पीक पाहणी केली नसेल तर आता कृषी सहाय्यक स्तरावरती ई पीक पाहणी सुरू झाली आहे आणि 1 ऑक्टोबर ते 31 ऑक्टोबर पर्यंत ही ई पीक पाहणीची मुदत राहणार आहे. तर तुम्ही लवकरात लवकर आपल्या गावातील कृषी सहायकाशी संपर्क साधून तुमची ई पक पाहणी त्यांच्याकडून करून घ्या.

पिक पाहणी अंतिम तारीख:

शासनाने सर्व जिल्हाधिकाऱ्यांना आदेश दिले आहेत की यंदाच्या खरीप हंगामात 100% पीक पाहणी पूर्ण झालीच पाहिजे. खरीप हंगाम 2025 साठी पीक पाहणीचे वेळापत्रक आधीच ठरवण्यात आले होते. 01 ऑगस्ट 2025 ते 14 सप्टेंबर 2025 या कालावधीत थेट शेतकऱ्यांकडून पीक पाहणी होणार होती. त्यानंतरचा टप्पा म्हणजे 15 सप्टेंबर 2025 ते 29 ऑक्टोबर 2025 या कालावधीत सहाय्यक स्तरावरून पीक पाहणी करण्याचे ठरले होते पण राज्यात अतिवृष्टी दुबार पेरणी आणि नैसर्गिक आपत्तीमुळे ही मुदतवाढ करावी लागली. शासनाने आता निर्णय घेतला आहे की 30 सप्टेंबर 2025 रोजी शेतकऱ्यांकडून थेट पीक पाहणीची मुदत संपली आहे पण उर्वरित सर्व शेतांची पीक पाहणी 1 ऑक्टोबर ते 31 ऑक्टोबर 2025 या एका महिन्यात सहाय्यकांच्या मदतीने पूर्ण केली जाईल.

याचा अर्थ अजूनही ज्या शेतकऱ्यांची पीक पाहणी बाकी आहे त्यांची पाहणी पुढील एका महिन्यात नक्की केली जाणार आहे. मित्रांनो शासनाच्या आदेशानुसार प्रत्येक सहाय्यकाची भूमिका खूप महत्त्वाची आहे. सर्व सहाय्यकांचे प्रशिक्षण पूर्ण झाले आहे का याची खात्री जिल्हाधिकाऱ्यांनी करणे बंधनकारक आहे. प्रत्येक सहाय्यकाने प्रत्यक्ष गावात जाऊन उर्वरित सर्व पिकांची पाहणी करून ती पूर्ण केली पाहिजे.

गावाकडील शेतकऱ्यांनी कशी करायची पिक पाहणी?

शेतकरी गावात असतील तरी पाहणी न झाल्यास त्वरित सहाय्यकामार्फत पाहणी करून घ्यावी कुठल्याही परिस्थितीत एकही गाव किंवा शेत पीक पाहणी शिवाय राहणार नाही याची दक्षता घेणे आवश्यक आहे. अनेकदा शेतकरी शेतापासून किंवा गावापासून लांब राहत असल्यामुळे त्यांची पीक पाहणी राहून जाते. अशा परिस्थितीतही सहाय्यकामार्फत थेट शेतातील पीक पाहणी पूर्ण केली जाईल. त्यानंतर ग्राम महसूल अधिकारी ही पाहणी 100% तपासून अंतिम मान्यता देतील. ही प्रक्रिया पूर्ण झाल्यावरच शेतकऱ्यांच्या सातबारा उताऱ्यावर मंजूर पीक पाहणी नोंदवली जाईल.

पिक पाहणी का महत्वाची आहे?

शेतकरी बांधवांनो ही पीक पाहणी तुमच्यासाठी का महत्त्वाची आहे खरीप हंगामातील नुकसान भरपाई मिळवण्यासाठी पीक विम्याची रक्कम मंजूर होण्यासाठी तसेच विविध शासकीय योजनांचा लाभ घेण्यासाठी पीक पाहणी झालेली असणे अत्यंत आवश्यक आहे म्हणूनच शेतकरी बांधवांनो जर अजून तुमच्या शेताची पीक पाहणी झाली नसेल तर त्वरित ग्रामसेवक तलाठी किंवा महसूल विभागाशी संपर्क साधा कारण खरीप हंगाम 2025 साठी पीक पाहणीची अंतिम मुदत 31 ऑक्टोबर 2025आहे