महाराष्ट्र लोकसेवा आयोगाची पदभरती प्रक्रिया गतिशील करून सन २०२६ मध्ये मोठ्या प्रमाणात पदभरती करण्यात येणार असल्याची घोषणा मुख्यमंत्री देवेंद्र फडणवीस यांनी शनिवारी केली. ‘सरकारच्या प्रत्येक संवर्गातील पदे व त्यांच्या जबाबदाऱ्यांमध्ये कालानुरूप बदल झालेला आहे. त्यामुळे राज्यातील सर्व संवर्गातील पदांच्या सेवा प्रवेश नियमांत सुधारणा करण्यात येणार आहे’, असेही त्यांनी सांगितले,
यशवंतराव चव्हाण प्रतिष्ठान येथे सामान्य प्रशासन विभागातर्फे अनुकंपा तत्त्वावरील व लिपिक श्रेणीतील १० हजार ३०९ उमेदवारांना नियुक्तीपत्र वितरणाच्या राज्य रोजगार मेळाव्याच्या राज्यस्तरीय कार्यक्रमात मुख्यमंत्री फडणवीस यांनी वरील घोषणा केली. यावेळी उपमुख्यमंत्री अजित पवार, मंत्री छगन भुजबळ, चंद्रशेखर बावनकुळे, गिरीश महाजन आदी उपस्थित होते. यावेळी २० उमेदवारांना प्रातिनिधिक स्वरूपात मुख्यमंत्री देवेंद्र फडणवीस आणि उपमुख्यमंत्री अजित पवार यांच्यासह मान्यवरांच्या हस्ते नियुक्तीपत्र वितरित करण्यात आले.
मुख्यमंत्री देवेंद्र फडणवीस म्हणाले…
मुख्यमंत्री म्हणाले, ‘राज्य शासन अधिक सक्षम आणि गतिशील करण्यासाठी शासनाने सेवा प्रवेश नियमांमध्ये सुधारणा, अनुकंपा तत्त्वावरील प्रलंबित प्रकरणांचे निराकरण तसेच महाराष्ट्र लोकसेवा आयोगामार्फत पारदर्शक भरती प्रक्रिया राबविण्यावर भर दिला आहे. आयोगाची पदभरती प्रक्रिया गतिशील करण्यासाठी सामान्य प्रशासन विभागाच्या अपर मुख्य सचिवांच्या अध्यक्षतेखाली समिती स्थापन करण्यात आली असून, विविध राज्यांचा अभ्यास करून निर्णय घेणार आहोत. आत्तापर्यंत ८० टक्के अनुकंपा नियुक्त्या पूर्ण झाल्या आहेत. उर्वरित प्रकरणे लवकरच निकाली काढण्यात येतील. प्रशासनाला गतिशील, संवेदनशील व लोकाभिमुख करण्यास प्राधान्य दिले आहे. यासाठी १०० दिवसांचा आणि नंतर १५० दिवसांचा कार्यक्रम घेतला. यातून अनेक सुधारणा करता आल्या.’
‘त्या’ कन्येला नियुक्ती…
अनुकंपा यादीत शहीद उपनिरीक्षक प्रकाश पांडुरंग मोरे यांची कन्या अनुष्का प्रकाश मोरे हिला नियुक्ती दिली. २६-११ च्या भ्याड दहशतवादी हल्ल्यात शहीद झालेल्या अधिकान्याच्या मुलीला इतक्या वर्षांनी न्याय देऊ शकलो, हे महत्त्वाचे आहे. अनुष्का बी-फार्म असल्याने तिला ‘औषध निर्माता गट ब’ हे पद अनुकंपावर मिळणे नियमांमुळे कठीण होते, कारण ते पद ‘एमपीएससी’ कडे होते. पण, आम्ही ‘एमपीएससी’ ला विशेष विनंती करून नियमात शिथिलता मिळवून तिला न्याय दिला, असे मुख्यमंत्री म्हणाले,
इतिहासातील महाराष्ट्राच्या ऐतिहासिक दिवस:
‘हा ऐतिहासिक निर्णय’ उपमुख्यमंत्री अजित पवार यांनी १० हजारांहून अधिक उमेदवारांना नियुक्तीपत्रे देण्यात आल्यावद्दल अभिनंदन करत, हा दिवस इतिहासातील महाराष्ट्राच्या ऐतिहासिक दिवस ठरल्याचे सांगितले. शासनाने अनुकंपा तत्त्वावरील सुमारे ८० टक्के प्रलंबित प्रकरणे निकाली काढली असून, भरती प्रक्रियेमध्ये पारदर्शकता आणि वेग यावर विशेष भर देण्यात आला आहे. शासनाने तांत्रिक आणि प्रशासकीय अडथळे दूर करून अनेक कुटुंबांना दिलासा दिला असल्याचे त्यांनी यावेळी नमूद केले.
‘अनुकंपा तत्वाला न्याय’
अनेक विभागांचे सेवा प्रवेश नियम ५० वर्षे जुने होते. तंत्रज्ञानातील बदलांमुळे अगदी लिपिकापासून ते वरच्या स्तरापर्यंत पदांचे स्वरूप आणि जबाबदाऱ्या मोठ्या प्रमाणात बदलल्या आहेत, पण नियमांमध्ये बदल झाले नवहते. रिक्त पदे भरण्यासाठी हे सेवा प्रवेश नियम बदलण्याचा प्रयत्न सुरू केला. अनुकंपा तत्त्वावरील नियुक्त्या मोठ्या प्रमाणावर प्रलंबित होत्या, अनेक पात्र कुटुंबे, ज्यात सरकारी कर्मचाऱ्यांची मुले आणि पत्नी यांचा समावेश होता. याबाबतचे सर्व शासन निर्णय बदलून एक सुटसुटीत आणि सोपा शासन निर्णय तयार केला. आज ८० टक्के अनुकंपाच्या जागा भरल्या गेल्या आहेत आणि उर्वरित २० टक्के जागाही लवकरच भरल्या जातील अशी माहिती हि मुख्यमंत्र्यांनी दिली.
- राज्य लोकसेवा आयोगाची पदभरती प्रक्रिया गतिशील करण्याची ग्वाही
- सर्व संवर्गातील सेवा प्रवेश नियमांत सुधारणा करण्याचेही आश्वासन
- १० हजार ३०९ उमेदवारांना नियुक्तीपत्र वितरण
मुख्यमंत्री देवेंद्र फडणवीस यांचे वक्तव्य…
माननीय आमचे एकनाथराव शिंदे जी हे महाराष्ट्राचे मुख्यमंत्री झाले त्यावेळेस आपल्या देशाचे प्रधानमंत्री माननीय नरेंद्र मोदीजी यांनी आम्हाला एक संदेश दिला आणि त्यांनी सांगितलं की तुम्ही पहिलं काम हे करा की मोठ्या प्रमाणात रिक्त पद आहेत या रिक्त पदांची भरती तुम्ही सुरू करा आणि अतिशय ट्रान्सपरंट पद्धतीने त्या ठिकाणी तुम्ही परीक्षा घ्या आपल्याला कल्पना आहे की 2020-21 च्या दरम्यान काही परीक्षांमध्ये मोठे गैरव्यवहार हे आपल्याला पाहायला मिळाले होते आणि मग आम्ही जास्त पैसे खर्च झाले तरी हरकत नाही पण आपण बेस्ट संस्था त्या ठिकाणी नियुक्त केल्या पाहिजे.
आयबीपीएस आणि टीसीएसला आम्ही नियुक्त केलं त्याच्या माध्यमातून आम्ही परीक्षा घेतल्या आणि जवळपास आपण एक लाख लोकांना त्या ठिकाणी नियुक्त्या दिल्या आणि सोबत जवळपास 40 हजार लोकांची नियुक्ती आपण पोलीसमध्ये देखील त्या ठिकाणी केली त्यामुळे मोदीजींनी जो आपल्याला संदेश दिला होता की सगळी रिक्त पद ही भरली गेली पाहिजे त्या दृष्टीने एक चांगलं काम आपल्या शासनामध्ये आपण सातत्याने करतो आहोत आता याच्या पुढचा आमचा जो टप्पा असणार आहे तो टप्पा हा असणार आहे की मोठ्या प्रमाणात सेवा प्रवेश नियम सुधारायचे आणि ते सुधारल्यानंतर या ठिकाणी त्याच्यावर नियुक्त्या आम्ही देणार आहोत.
एमपीएससीसाठी मोठा निर्णय:
आपल्याला एमपीएससी ची देखील गती वाढवायची आहे आपल्याला या सगळ्या नियुक्तीची जी काही प्रक्रिया आहे अनेक वेळा प्रक्रिया दोन दोन वर्ष त्या ठिकाणी लांबते किंवा फॉर्म भरल्यापासन नियुक्ती होतपर्यंत काही प्रकरणात तर चारचार वर्ष झालेले आपण बघितलेले आहेत त्यामुळे अशा प्रकारच्या वेगाने आपण हे करू शकणार नाही अर्थात याला कोणाला दोष मी देत नाही कारण इतक्या मोठ्या प्रमाणात मुलं त्या ठिकाणी परीक्षेला बसतात त्याच्यामुळे ते सगळं मॅनेज करणं हे देखील कठीण असतं अनेक वेळा मुलांच्या आग्रहा खातर काही ना काही होतं आपल्याला परीक्षा पोस्टपोन कराव्या लागतात आता परवा पुरामुळे आपण परीक्षा पोस्टपोन केल्या एकदा परीक्षा पोस्टपोन केल्या की चार पाच महिन्यानी त्याचा चा टाइम टेबल जो आहे तो टाईम टेबल पुढे जातो. तथापि या वेगानेझाल्या पाहिजेत अशा प्रकारचा विचार करून आता आम्ही एक आपल्या एमपीएससी च्या संदर्भात देखील त्याला कस अधिक गतिशील करता येईल आणि त्याच्यामध्ये कशाप्रकारे आपल्याला एक प्रकारे त्याचं हे वाढवता येईल व्याप्ती वाढवता येईल या दृष्टीने देखील आपण वीराधा यांच्या अध्यक्षतेखाली एक कमिटी केलेली आहे
त्यांनी वेगवेगळ्या राज्यांचा अभ्यास करून प्रत्येक राज्याने काय काय व्यवस्था केलेली आहे त्या संदर्भातला सगळा अभ्यास करून मग एक अतिशय पारदर्शी फुलपूफ अशा प्रकारची सिस्टीम पण अतिशय गतिशील सिस्टीम ही कशी तयार होईल अशा प्रकारचा त्यांनी आता एक त्याचा अभ्यास तयार केलाय येत्या काही महिन्यांमध्ये किंवा काही दिवसांमध्ये त्याच्या संदर्भातला अंतिम निर्णय हा राज्याच सरकार घेईल आणि तो निर्णय झाल्यानंतर मला असं वाटतं की गतिशीलता येईल त्यामुळे एकीकडे दीडशे दिवसाचा कार्यक्रम जो आपण त्या ठिकाणी पुराच्या परिस्थितीमुळे 100 दिवस आपण पुढे नेलेला आहे पण तो कार्यक्रम म्हणजे ज्याच्यातन
आपण सेवा प्रवेश नियम नीट तयार करू आपले जे काही त्या ठिकाणी बिंदू नामावली आहेत त्या सगळ्या तपासून घेऊ म्हणजे एक प्रकारे युद्धाला जाताना सगळी तयारी जी करावी लागते तशी सगळी तयारी करून आणि मग दुसरीकडे आपल्या नियुक्तीची जी सिस्टीम आहे ती अधिक पारदर्शी अशा प्रकारे करून आपण पुढच्या वर्ष जे आहे 2026 हे वर्ष मला असं वाटतं की हे खूप मोठ्या प्रमाणात आपल्या सरकारमध्ये नियुक्तीच वर्ष असणार आहे मोठ्या प्रमाणात आपण भरती ही पुढच्या वर्षी ही या ठिकाणी करणार आहोत आणि अतिशय पारदर्शी पद्धतीने ही सगळी भरती आपण करणार आहोत मला हे सांगताना एक आपल्या लक्षात आणून द्यायचं आहे की आपण जर बघितलं असेल तर आमच्या सरकारमध्ये अतिशय पारदर्शी पद्धतीने या सगळ्या नियुक्त्या आम्ही देतो आहोत कुठेही पेपर लीक होणे किंवा अशा कुठल्याही पद्धती आम्ही होऊ देत नाहीत कुठेही जी
