फाटलेला आभाळ जिथे नजर जाईल तिथं पाणी कुठे कोणाचं घर वाहून गेलय तर कुठे कुणाची सगळीच्या सगळी जमीन पोटात आज अन्न आहे पण उद्याची शाश्वती नाही आणि डोक्यावर आज छप्पर नाहीये उद्या असेल का नाही माहित नाही ही परिस्थिती आहे महाराष्ट्रातली मागच्या दोन आठवड्यांपासून महाराष्ट्राच्या बहुतांश भागात मुसळदार पाऊस कोसळतोय पण या पावसान हाहाकार उडवला तो या आठवड्यात घटस्थापनेपासून मराठवाडा सोलापूर उत्तर महाराष्ट्र इथं पावसाने धुवा उडवला प्रचंड नुकसान केलं मध्ये एखाद दुसरा दिवस पावसाने जरा उघडीप दिली पण 26 तारखेच्या रात्रीपासून पावसाचा कहर पुन्हा सुरू झालाय.
सकाळपर्यंत पाऊस उघडेल असा एक अंदाज आधीच हवालदील झालेल्या शेतकऱ्यांना होता पण तोही अंदाज खोटा ठरवत पावसानं सकाळपासून आणखी जोर पकडलाय धाराशिव, सोलापूर, हिंगोली, जालना, नांदेड, बीड, लातूर, छत्रपती संभाजीनगर या जिल्ह्यांमध्ये पुन्हा मुसळधार पावसाला सुरुवात झाली आहे आता कुठे मदत पोहोचायला सुरुवात झाली होती सावरायला जरा वेळ मिळत होता अशातच पाऊस पुन्हा सुरू झाल्याने आणखी नुकसान होण्याची भीती व्यक्त केली जाते त्यात सुपर टायफून रागासा या चक्रीवादळाबद्दल सुद्धा सातत्याने बातम्या येत आहेत चक्रीवादळ नेमकं कुठपर्यंत पोहोचला आहे तिथे काय नुकसान केला आहे ते महाराष्ट्रावर परिणाम करू शकतं का? महाराष्ट्राला या चक्रीवादळाचा धोका किती आहे पुढच्या पाच दिवसांचे हवामान अलर्ट आहेत काय समजून घेऊयात या माहिती मधून…
मागचे दोन दिवस पावसानं काहीसा दिलासा दिला होता पण आता महाराष्ट्रात विशेषतः हा मराठवाड्यात पुन्हा एकदा पावसाला सुरुवात झाली आहे. धाराशीव मध्ये ज्या भूम आणि परांडाला पावसाचा सर्वाधिक फटका बसला होता तिथेच पुन्हा मुसळदार पाऊस सुरू झाला आहे. मागच्या आठवड्यात ज्या भागांमध्ये पाऊस झाला नव्हता त्या भागात सुद्धा आता पावसाला सुरुवात झाली आहे. छत्रपती संभाजीनगर मध्ये सर्वदूर पाऊस पडत नसला तरी पैठणमध्ये मुसळदार पावसाला सुरुवात झाली आहे अनेक ठिकाणी पुन्हा पूरस्थिती निर्माण झाली आहे.
महाराष्ट्रात सार्वधिक पाऊस पडण्याचे कारण?
महाराष्ट्रात हा एवढा पाऊस पडतोय याचं कारण आहे बंगालच्या उपसागरात निर्माण झालेली कमी दाबाची क्षेत्र. या कमी दाबाच्या क्षेत्रांचा जोर उतरणार का असा प्रश्न असतानाच सातत्याने चक्रीवादळाच्या बातम्या सुद्धा येत आहेत.
पाण्याची पातळी वाढल्याने अनेक धरणांमधून विसर्ग सुरू झालाय. थोडक्यात काय तर परिस्थिती पुन्हा एकदा गंभीर होण्याच्या पातळीवर आली आहे. त्यात मराठवाड्या सोबतच पश्चिम महाराष्ट्रात सुद्धा काही भागांमध्ये पावसाला सुरुवात झाली आहे. हवामान खात्यान या पावसाबद्दल आधीच अंदाज नोंदवला होता पण आधीच पावसाचा फटका बसलेला असताना पुन्हा सुरू झालेल्या या पावसाने आणखी नुकसान होणार आहे.
चक्रीवादळाने झालेले नुकसान:
सुपर टायफून रागासा हे चक्रीवादळ मागच्या काही दिवसांपासून सातत्याने बातम्यांचा विषय बनला आहे. प्रशांत महासागरामध्ये तयार झालेले हे चक्रीवादळ फिलिपीन्स मध्ये धडकलं तेव्हा तीन जणांचा मृत्यू झाला. त्यानंतर तैवानमध्ये 14 जणांचा मृत्यू झाला तर ंगकांग मध्ये 100 पेक्षा जास्त लोक जखमी झाले. जोरदार पाऊस जवळपास चार फूट उंचीच्या लाटा आणि वाऱ्याचा प्रचंड वेग यामुळे हे चक्रीवादळ मोठं नुकसान करत आहे या चक्रीवादळाला आजवरच सगळ्यात मोठं चक्रीवादळ असं सुद्धा म्हणलं जातय हे चक्रीवादळ आता चीनकडून विएतनाम कडे सरकत आहे त्याचा प्रभाव काहीसा कमी होत असला तरी त्यामुळे होणार नुकसान मात्र मोठं आहे.
चक्रीवादळ भारताला धडकणार का?
आता आणखी एक महत्त्वाचा मुद्दा म्हणजे हे चक्रीवादळ भारताला धडकणार का तर उत्तर आहे नाही पण महत्त्वाची गोष्ट म्हणजे सुपर टायफून रागासा भारताला धडकणार नसलं तरी त्याचा प्रभाव भारतावर आणि महाराष्ट्रावर जाणवू शकतो आधी म्हणल्याप्रमाणे महाराष्ट्रात एवढा पाऊस पडतोय याचं कारण आहे बंगालच्या उपसागरात तयार झालेली कमी दाबाचे क्षेत्र आता या सुपर टायफून रागासाचा परिणाम भारताला न धडकताही बंगालच्या उपसागरात आणखी कमी दाबाचे क्षेत्र निर्माण करण्यात होऊ शकतो ज्यामुळं महाराष्ट्रात पाऊस पुन्हा वाढू शकतो त्यात चक्रीवादळाच्या प्रभावामुळे हे कमी दाबाच क्षेत्र आणखी ताकदवान असेल तर पावसाचं प्रमाण आणखी वाढू शकतं म्हणजेच आत्तापर्यंत जसा जसा पाऊस पडला आहे तसा किंवा त्यापेक्षा जोरदार पाऊस महाराष्ट्रात पडण्याची शक्यता आहे.
अर्थातच चक्री वादळाचा परिणाम बंगाळच्या उपसागरात दिसून आला तर हे चक्रीवादळ भारताला थेट धडकणार नसलं तर या चक्रीवादळाचा जोर कायम राहिला तर निश्चितपणे भारतावर आणि महाराष्ट्रावर प्रभाव पाडू शकतं पण यासाठी चक्रीवादळाची पुढची दिशा आणि वेग महत्त्वाचे ठरतील.
पुढचे पाच दिवस महाराष्ट्रात कसा आणि कुठे पाऊस?
आता पुढचा महत्त्वाचा मुद्दा म्हणजे पुढचे पाच दिवस महाराष्ट्रात कसा आणि कुठे पाऊस असणार आहे तर हवामान विभागाच्या अंदाजा नुसार 27 सप्टेंबरला कोकण किनारपट्टी पश्चिम महाराष्ट्रातला घाटमाथा मराठवाडा आणि विदर्भातल्या काही जिल्ह्यांना पावसाचा ऑरेंज अलर्ट देण्यात आला आहे तर उर्वरित महाराष्ट्राला पावसाचा येल्लो अलर्ट आहे थोडक्यात 27 तारखेला महाराष्ट्रात मुसळदार पाऊस पडणार आहे खास करून मराठवाड्यात आणि कोकण किनारपट्टीवर विजांच्या कडकडाटासह पाऊस होऊ शकतो. त्यानंतर 28 सप्टेंबरला नाशिकचा घाटमाथा, मुंबई, ठाणे, पालघर, रायगड आणि पुण्याच्या घाटमाथ्यावर पावसाचा रेड अलर्ट देण्यात आला आहे नाशिक, संभाजीनगर, सातारा आणि कोल्हापूरचा घाटमाता रत्नागिरी, सिंधुदुर्ग या जिल्ह्यांना पावसाचा ऑरेंज अलर्ट देण्यात आला असून उर्वरित महाराष्ट्राला पावसाचा येल्लो अलर्ट आहे.
या अंदाजानुसार मराठवाड्यातला पाऊस किंचित कमी होणार असला तरी मुंबई, ठाणे, रायगड या भागात रेड अलर्ट असल्यानं प्रचंड पावसाची शक्यता आहे. विदर्भाच्या काही जिल्ह्यांमध्येही विजांच्या कडकडाटासह पाऊस होऊ शकतो म्हणजेच हाही दिवस महाराष्ट्रभर पावसाचा थैमान सुरूच राहणार आहे. 29 सप्टेंबरला काही भागांना दिलासा मिळण्याची शक्यता आहे. या दिवशी पालघर आणि नाशिकच्या घाटमाथ्यावर पावसाचा रेड अलर्ट देण्यात आला आहे. तर मुंबई, ठाणे, पुण्याचा घाटमाथा आणि रायगड जिल्ह्यांना ऑरेंज अलर्ट देण्यात आला आहे.
कोकण किनारपट्टी उत्तर महाराष्ट्रामधले जिल्हे पुणे, नगर, छत्रपती संभाजीनगर, कोल्हापूरचा घाटमाथा, यवतमाळ, बुलढाणा, वाशिम, वर्धा, नागपूर, भंडारा, गोंदिया या जिल्ह्यांना पावसाचा येल्लो अलर्ट देण्यात आलाय मराठवाड्याला आणि दक्षिण महाराष्ट्राला ग्रीन अलर्ट असल्यानं पावसापासून काहीशी विश्रांती मिळू शकते पण महत्त्वाची गोष्ट म्हणजे पाऊस विदर्भाकडे सरकत जाईल सोबतच कोकण आणि मुंबईमध्येही मुसळधार पावसाला सुरुवात होईल काही जिल्हे वगळता 29 तारखेला ही सप्टेंबरला पावसापासून उघडीप मिळेल अशी आशा आहे पालघर ठाणे मुंबई रायगड रत्नागिरी सिंधुदुर्ग आणि पुणे सातारा कोल्हापूरचा घाटमाथा बुलढाणा अकोला भंडारा नागपूर वर्धा या भागांना पावसाचा येल्लो अलर्ट देण्यात आला आहे बाकी सगळ्या महाराष्ट्राला ग्रीन अलर्ट असल्यानं हा दिवस दिलासा देणारा ठरू शकतो.
पुढचे तीन दिवस भीषण पाऊस:
एक ऑक्टोबरचा दिवस पालघर, ठाणे, मुंबई, रायगड, रत्नागिरी, सिंधुदुर्ग, कोल्हापूर, साताऱ्याचा घाटमाता इथे येल्लो अलर्ट आहे सोबतच संपूर्ण विदर्भाला पावसाचा येल्लो अलर्ट देण्यात आला आहे. उर्वरित महाराष्ट्राला मात्र ग्रीन अलर्ट आहे. आता यावरून काय लक्षात येतं तर सध्या ज्या मराठवाड्याला पावसाचा भीषण फटका बसला आहे तिथे अजून दोन दिवस जोरदार पाऊस पडणार आहे. त्यानंतर मराठवाड्यातला पावसाचा जोर काहीसा कमी होऊ शकतो. मुंबई, ठाणे, पालघर आणि कोकणासाठी पुढचे तीन दिवस अत्यंत महत्त्वाचे आहेत.
पण त्यानंतरही येल्लो अलर्ट असल्यानं या भागांमध्ये पावसाची संतधार पाहायला मिळू शकते. उत्तर महाराष्ट्रात सुद्धा सलग तीन दिवस पावसाचा मोठा जोर पाहायला मिळेल. त्यानंतर पाऊस काही प्रमाणात ओसरू शकतो पण पुढचे पाचही दिवस पावसाचा जोर विदर्भात मात्र कायम राहणार आहे. थोडक्यात महाराष्ट्रासाठी पुढचे पाच दिवस पावसाचे आहेत. ऑक्टोबरच्या पहिल्या आठवड्यात पाऊस काहीसा ओसरू शकतो असं सांगण्यात येत असलं तरी टायफून रागास हा बंगालच्या उपसागरात कमी दाबाचं क्षेत्र तयार करणार का? त्याचा महाराष्ट्राच्या हवामानावर किती परिणाम होणार यावर हे सगळे अंदाज अवलंबून असणार आहेत. सध्या तरी सगळ्यात मोठ्या चक्री वादळाचा महाराष्ट्राला फारसा धोका नसल्याचा अंदाज असला तर या चक्रीवादळाचा वेग प्रभाव आणि प्रवास महाराष्ट्राच्या दृष्टीने महत्त्वाचा ठरणार आहे.
